ନୂଆଦିଲ୍ଲୀ: ନିଟ୍ ପେପର ଲିକ୍ ମାମଲାରେ ବଡ଼ କାର୍ଯ୍ୟାନୁଷ୍ଠାନ। ବିହାରର ପାଟନାରୁ ନ୍ୟାସନାଲ ଟେଷ୍ଟିଂ ଏଜେନ୍ସିର ଟ୍ରଙ୍କରୁ ନିଟ୍ ପେପର ଚୋରି କରିଥିବା ଇଞ୍ଜିନିୟରଙ୍କୁ ସିବିଆଇ ଗିରଫ କରିଛି। ଅଭିଯୁକ୍ତର ଅନ୍ୟ ଜଣେ ସହଯୋଗୀ ମଧ୍ୟ ଧରାପଡ଼ିଛି। ଗିରଫ ଅଭିଯୁକ୍ତମାନେ ହେଲେ ପଙ୍କଜ କୁମାର ଓ ରାଜୁ ସିଂ।
ମିଳିଥିବା ସୂଚନା ଅନୁଯାୟୀ ପଙ୍କଜ କୁମାର ଓରଫ ଆଦିତ୍ୟ ଯେଉଁ ଟ୍ରଙ୍କରେ ପ୍ରଶ୍ନପତ୍ର ଯାଉଥିଲା ସେଥିରୁ ପ୍ରଶ୍ନପତ୍ର ଚୋରି କରି ବଣ୍ଟନ କରିଥିଲା। ପଙ୍କଜ କୁମାର ଜାମସେଦପୁରର ପୂର୍ବତନ ଛାତ୍ର ଏବଂ ବୋକାରୋର ବାସିନ୍ଦା । ତାର ଆଉଜଣେ ସହଯୋଗୀ ରାଜୁ ସିଂହକୁ ମଧ୍ୟ ହଜାରୀବାଗରୁ ଗିରଫ କରାଯାଇଛି। ପଙ୍କଜ ପ୍ରଶ୍ନପତ୍ର ଚୋରି କରିବା ପରେ ଦ୍ୱିତୀୟ ଅଭିଯୁକ୍ତ ମଧ୍ୟ ଏହାକୁ ଲିକ୍ କରିବାରେ ସାହାଯ୍ୟ କରିଥିଲା।
ସିବିଆଇ ଉକ୍ତ ଟ୍ରଙ୍କର ଭିଡିଓ ସେୟାର କରିଛି ଯେଉଁଥିରେ ନିଟ୍ ପ୍ରଶ୍ନପତ୍ର ହଜାରୀବାଗକୁ ଆସିଥିଲା। ସେହି ଟ୍ରଙ୍କରୁ ପଙ୍କଜ ଓରଫ ଆଦିତ୍ୟ କାଗଜପତ୍ର ଚୋରି କରି ଆଗକୁ ପଠାଉଥିଲେ। ସିବିଆଇ ଅନୁଯାୟୀ, ହଜାରୀବାଗରୁ ଟ୍ରଙ୍କରୁ କାଗଜ ଚୋରି କରି ବଣ୍ଟନ କରିଥିବା ମାଷ୍ଟରମାଇଣ୍ଡ ହେଉଛନ୍ତି ପଙ୍କଜ ଓରଫ ଆଦିତ୍ୟ, ତାଙ୍କୁ ପାଟନାରୁ ଗିରଫ କରାଯାଇଥିଲା ଏବଂ ତାଙ୍କ ସହଯୋଗୀ ରାଜୁ କାଗଜ ବଣ୍ଟନ କରିଥିଲେ।
