ପ୍ୟାରିସ ଅଲମ୍ପିକରେ ଭାରତୀୟ ଖେଳାଳୀଙ୍କ ପାଇଁ ଆଜି ଦିନଟି ଶୁଭ ରହିଛି । ବିନେଶ ଫୋଗାଟ କୁସ୍ତିରେ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି । ୫୦ କିଲୋ କୁସ୍ତି ମ୍ୟାଚରେ ସେ ଅଲିମ୍ପିକ୍ ସ୍ୱର୍ଣ୍ଣ ପଦକ ବିଜେତା ଜାପାନର ୟୁଇ ସୁସାକିଙ୍କୁ ୩-୨ରେ ପରାସ୍ତ କରିଛନ୍ତି ।
ଏହି ମ୍ୟାଚର ଆରମ୍ଭରୁ ବିନେଶ ୦-୧ରେ ପଛରେ ଥିଲେ । ମାତ୍ର ପରବର୍ତ୍ତୀ ପର୍ୟ୍ୟାୟରେ ସେ ଜାପାନର ୟୁଇ ସୁସାକିଙ୍କୁ ଚିତପଟାଙ୍ଗ କରି ଦେଇଥିଲେ । ମ୍ୟାଚକୁ ଜିତି ବିନେଶ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି । ବିନେଶ ଫୋଗାଟ ପ୍ରଥମ ଭାରତୀୟ ମହିଳା ଖେଳାଳୀ ଯିଏ କୁସ୍ତିରେ ଉଭୟ କମନୱେଲଥ ଏବଂ ଏସିଆନ୍ ଗେମରେ ସ୍ୱର୍ଣ୍ଣ ପଦକ ଜିତିଛନ୍ତି ।
