ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରିର ସୁପରଷ୍ଟାର ଥାଲାପତି ବିଜୟ ଆଉ ଫିଲ୍ମରେ ଦେଖାଯିବେ ନାହିଁ। ଅଭିନେତା ଫିଲ୍ମରୁ ସନ୍ୟାସ ନେବାକୁ ମନସ୍ଥ କରିଛନ୍ତି। ନିଜ ପ୍ରଡକ୍ସନ୍ ହାଉସ୍ ଦ୍ବାରା ଏକ ଭିଡ଼ିଓ ରିଲିଜ୍ କରି ସେ ଏହା ଘୋଷଣା କରିଛନ୍ତି। ଏହି ଭିଡ଼ିଓରେ, ଥାଲାପତିଙ୍କ ଚଳଚ୍ଚିତ୍ର ଯାତ୍ରାର ଝଲକ ଦେଖାଯାଇଛି। ଯାହା ଦେଖିବା ପରେ ପ୍ରଶଂସକମାନେ ଅତ୍ୟନ୍ତ ଭାବପ୍ରବଣ ହୋଇ ଯାଇଛନ୍ତି। କିଛି ଲୋକ ଆଶ୍ଚର୍ଯ୍ୟ ହୋଇଯାଇଛନ୍ତି ଯେ ଯେତେବେଳେ ଥାଲାପତିଙ୍କର ପ୍ରତ୍ୟେକ ଚଳଚ୍ଚିତ୍ର ସୁପରହିଟ୍ ଏବଂ ବ୍ଲକବଷ୍ଟର ବୋଲି ପ୍ରମାଣିତ ହେଉଛି ସେତେବେଳେ ସେ ହଠାତ୍ କାହିଁକି ଏହି ନିଷ୍ପତ୍ତି ନେଲେ?
ତାଙ୍କ ଚଳଚ୍ଚିତ୍ର ‘ଦି ଗ୍ରେଟେଷ୍ଟ ଅଫ୍ ଅଲ୍ ଟାଇମ୍’ (ଜିଓଏଟି) ଗତ ସପ୍ତାହରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ରିଲିଜ୍ ହେବା ପରଠାରୁ ଏହି ଚଳଚ୍ଚିତ୍ରଟି ବକ୍ସ ଅଫିସରେ ଝଡ଼ ସୃଷ୍ଟି କରିଛି । ଏହି ଫିଲ୍ମ ଏପର୍ଯ୍ୟନ୍ତ ୧୭୭ କୋଟିରୁ ଅଧିକ ଆୟ କରିଛି। ଏହି ରୋଜଗାର କେବଳ ଗୋଟିଏ ସପ୍ତାହର। ଥାଲାପତି ବିଜୟଙ୍କ ଶେଷ ଚଳଚ୍ଚିତ୍ର ‘ଥାଲାପତି ୬୯’ ଘୋଷଣା କରି ପ୍ରଡକ୍ସନ୍ ହାଉସ୍ କେଭିଏନ୍ ଦ୍ୱାରା ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରାଯାଇଛି।
ଏହି ପୋଷ୍ଟରରେ କ୍ୟାପସନରେ ସେୟାର କରାଯାଇଛି, ଥାଲାପତି ବିଜୟ ସାର୍ଙ୍କ ପାଇଁ ଆମର ପ୍ରେମ, ଆମେ ସମସ୍ତେ ତୁମର ଚଳଚ୍ଚିତ୍ର ଦେଖିବା ଏବଂ ଏହା ଆଗକୁ ବଢ଼ିଛୁ। ପ୍ରତ୍ୟେକ ପଥରେ ଆପଣ ଆମ ଜୀବନର ଏକ ଅଂଶ ହୋଇଛନ୍ତି। ଆମର ୩୦ ବର୍ଷ ଧରି ମନୋରଞ୍ଜନ କରିଥିବାରୁ ଆପଣଙ୍କୁ ବହୁତ ଧନ୍ୟବାଦ।
ପ୍ରଡକ୍ସନ୍ ହାଉସ ପକ୍ଷରୁ ଥାଲାପତି ବିଜୟଙ୍କ ଚଳଚ୍ଚିତ୍ର ଯାତ୍ରାର ଏହି ୫ ମିନିଟର ଭିଡ଼ିଓରେ ଅଭିନେତାଙ୍କର ଆରମ୍ଭରୁ ପୁରା ଯାତ୍ରା ବିଷୟରେ ଝଲକ ଦେଖାଯାଇଛି। ଭିଡ଼ିଓ ଦେଖିବା ପରେ ପ୍ରଶଂସକମାନେ ମଧ୍ୟ ଅତ୍ୟନ୍ତ ଭାବପ୍ରବଣ ହୋଇଯାଇଛନ୍ତି ଏବଂ ଭିଡ଼ିଓର କମେଣ୍ଟ ବକ୍ସରେ ‘ମିସ୍ ୟୁ’ ମନ୍ତବ୍ୟ ଦେଇ ଥାଲାପତି୍କ ପ୍ରତି ନିଜର ପ୍ରେମ ଦେଖାଉଛନ୍ତି।
ଥାଲାପତି ବିଜୟ ଚଳଚ୍ଚିତ୍ରରୁ ଦୂରେଇ ଯାଇ ତାଙ୍କ ରାଜନୈତିକ କ୍ୟାରିୟର ଉପରେ ଧ୍ୟାନ ଦେବାକୁ ଚାହୁଁଛନ୍ତି। ବୋଧହୁଏ, ଦେଶରେ ୨୦୨୪ଲୋକସଭା ନିର୍ବାଚନ ପୂର୍ବରୁ ଏହି ଅଭିନେତା ତାଙ୍କ ଦଳ ‘ତାମିଝାଗା ଭେତ୍ରି କାଝଗମ’ ଗଠନ କରିଥିଲେ। ନିକଟରେ ସେ ପାର୍ଟି ପତାକା ମଧ୍ୟ ଉନ୍ମୋଚନ କରିଥିଲେ। ଏହି ଅବସରରେ ଥାଲାପତି କହିଥିଲେ ଯେ ତାଙ୍କ ଦଳ ୨୦୨୬ ବିଧାନସଭା ନିର୍ବାଚନରେ ଲଢ଼ିବ।
