ନୃଶଂସ ବାପାର ଜଘନ୍ୟ କାଣ୍ଡ, ଗୁରୁମାତାଙ୍କ କଥାରେ ପୁଅକୁ ହାଣି ୭ଖଣ୍ଡ କଲା

ଭୋପାଳ(ଲାଇଭ ଓଡିଶା ନ୍ୟୁଜ): ଅନ୍ଧ ବିଶ୍ୱାସ ପାଲଟିଲା କାଳ । ଗୁରୁମାତାଙ୍କ କଥାରେ ୫ବର୍ଷର ପୁଅକୁ ୭ଖଣ୍ଡ କଲା କଂସେଇ ବାପା । ଜନ୍ମକଲା ପୁଅକୁ ନିଜ ହାତରେ ମାରି ପୋତିଦେଲା ନୃଶଂସ ବାପା । ଏଭଳି ଅଭାବନୀୟ ଘଟଣା ଘଟିଛି ମଧ୍ୟପ୍ରଦେଶର ଅଲିରାଜପୁର ଅଂଚଳରେ । ଏହି ଖବର ପ୍ରଚାରିତ ହେବା ପରେ ସାରା ଅଂଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି । ଖବର ଅନୁଯାୟୀ ଅଲିରାଜପୁରର ଦିନେଶ ଡାବର ନାମକ ବ୍ୟକ୍ତି ଜଣକ ନିଜ ପୁଅକୁ କୁରାଢୀରେ ହାଣି ୭ ଖଣ୍ଡ କରିଦେଇଛନ୍ତି । ତେବେ ପ୍ରଥମିକ ତଦନ୍ତରୁ ଏହା ଅନ୍ଧବିଶ୍ୱାସର ବଶବୃତ୍ତି ହୋଇ ଏଭଳି କାଣ୍ଡ ଘଟାଇଥିବା ଜଣାପଡିଛି । ଦିନେଶଙ୍କ ପତ୍ନୀଙ୍କ ଦେହ ଗତ କିଛି ଦିନ ହେଲା ଖରାପ ରହିଥିଲା । ଯାହାକୁ ନେଇ ଦିନେଶ ଗୁରୁମାତାଙ୍କୁ ଭେଟ କରିଥିଲେ । ଏଥିରେ ଗୁରୁମାତା ଦିନେଶଙ୍କୁ ପୁଅକୁ ହତ୍ୟା କରିବା ପାଇଁ କହିଥିଲେ । କାରାଣ ଦିନେଶଙ୍କ ପୁଅ ପୁରା ପରିବାର ପାଇଣ ଅଶୁଭ ଏବଂ ସେଥିପାଇଁ ତାଙ୍କ ପତ୍ନୀଙ୍କ ଦେହ ଖରାପ ହେଉଛି । ତେବେ ଘଟଣାରେ କଂସେଇ ବାପାକୁ ପୋଲିସ ଗିରଫ କରିଛି । ପୋଲିସ ଅଭିଯୁକ୍ତଙ୍କୁ ଗିରଫ କରି ଛାନଭିନ୍ ଜାରି ରଖିଛି । ଏପରିକି ଦିନେଶଙ୍କ ଗୁରୁମାତାଙ୍କୁ ଗିରଫ ପାଇଁ ଟିମ୍ ଗଠନ କରାଯାଇଛି । ଏହାସହିତ ବିଭିନ୍ନ ସ୍ଥାନରେ ପୋଲିସ ପକ୍ଷରୁ ଚଢାଉ ଜାରି ରହିଥିବା ଜଣାପଡିଛି ।