FOLLOW US ON SOCIAL

  1. Home
  2. »
  3. ଦେଶ-ବିଦେଶ
  4. »
  5. ସଶକ୍ତ ହେବ ଭାରତୀୟ ବାୟୁସେନା,କିଣାଯିବ ୫୬ ଟି ଅତ୍ୟାଧୁନିକ ବିମାନ

ସଶକ୍ତ ହେବ ଭାରତୀୟ ବାୟୁସେନା,କିଣାଯିବ ୫୬ ଟି ଅତ୍ୟାଧୁନିକ ବିମାନ

ସଶକ୍ତ ହେବ ଭାରତୀୟ ବାୟୁସେନା,କିଣାଯିବ ୫୬ ଟି ଅତ୍ୟାଧୁନିକ ବିମାନ
SHARE NOW :

ନୂଆଦିଲ୍ଲୀ ୯.୯ (ଲାଇଭ ଓଡିଶା ନ୍ୟୁଜ୍‌): ଆହୁରି ସଶକ୍ତ ହେବାକୁ ଯାଉଛି ଭାରତୀୟ ବାୟୁସେନା ସାମିଲ ହେବ ୫୬ ଟି ଅତ୍ୟାଧୁନିକ ବିମାନ। ଦେଶର ସୁରକ୍ଷା ମାମଲାକୁ ନେଇ ବସିଥିବା ବୈଠକରେ ଏନେଇ କେନ୍ଦ୍ରୀୟ ମନ୍ତ୍ରୀମଣ୍ଡଳ ମଞ୍ଜୁରୀ ଦେଇଛି। ବୈଠକରେ ବାୟୁସେନା ପାଇଁ ୫୬ଟି C-295 MW ପରିବହନ ବିମାନ କିଣିବା ପ୍ରସ୍ତାବରେ ମୋହର ଲାଗିଛି । ଏଥିରେ କିଛି ମାଲବାହି ବିମାନ ଭାରତୀୟ କମ୍ପାନୀ ଦ୍ୱାରା ନିର୍ମାଣ କରାଯିବ।


୧୬ଟି ବିମାନ ସ୍ପେନ୍ରୁ ଅର୍ଡର କରାଯିବାକୁ ଥିବା ବେଳେ ୪୦ଟି ସ୍ୱଦେଶୀ ହେବ ଏବଂ ଏହାକୁ ଟାଟା କନ୍ସୋରଟିୟମ୍ ନିର୍ମାଣ କରିବ। ଦେଶରେ ପ୍ରଥମ ପାଇଁ ଏକ ବେସରକାରୀ ସଂସ୍ଥା ମିଲିଟାରୀ ଏୟାରକ୍ରାଫ୍ଟ ପ୍ରସ୍ତୁତ କରିବାକୁ ଯାଉଛି।

ଏହି C-295 MW ବିମାନ ୫ରୁ ୧୦ ଟନ୍ କାପାସିଟି ବିଶିଷ୍ଟ। ଏହାକୁ ଅତ୍ୟାଧୁନିକ ଜ୍ଞାନକୌଶଳର ବ୍ୟବହାର କରି ପ୍ରସ୍ତୁତ କରାଯିବ। ସ୍ପେନ୍ରୁ ଆସିବାକୁ ଥିବା ୧୬ଟି ବିମାନ ୪୮ ମାସ ଭିତରେ ଏବଂ ସ୍ୱଦେଶୀ ୪୦ଟି ବିମାନ ଆଗାମୀ ୧୦ ବର୍ଷ ଭିତରେ ପ୍ରସ୍ତୁତ ହେବ ବୋଲି ହୋଇଥିବା ଚୁକ୍ତିରେ ଦର୍ଶାଯାଇଛି

Leave a Reply

Your email address will not be published. Required fields are marked *

Related Posts