ରାଜସ୍ଥାନରେ କ୍ୟାବିନେଟର ପୁନଃ ନିର୍ମାଣ, ୧୫ ନୂଆ ମନ୍ତ୍ରୀ ନେବେ ଶପଥ

ରାଜସ୍ଥାନ(ଲାଇଭ ଓଡିଶା ନ୍ୟୁଜ): ଆଜି ରାଜସ୍ଥାନରେ ଗେହଲଟ ସରକାରଙ୍କ ନୂଆ ମନ୍ତ୍ରୀ ମଣ୍ଡଳରେ ୧୫ଜଣ ନୂଆ ମନ୍ତ୍ରୀ ନେବେ ଶପଥ । ରାଜ୍ୟରେ କ୍ୟାବିନେଟର ପୁନଃ ନିର୍ମାଣ ହୋଇଛି । ରାଜସ୍ଥାନରେ ଅଶୋକ ଗେହଲୋଟଙ୍କ ନେତୃତ୍ୱାଧୀନ ରାଜସ୍ଥାନ ସରକାରର ସମସ୍ତ ମନ୍ତ୍ରୀ ଶନିବାର ଦିନ ଇସ୍ତଫା ପତ୍ର ମୁଖ୍ୟମନ୍ତ୍ରୀଙ୍କ ନିକଟରେ ଦାଖଲ କରିଛନ୍ତି। ଯାହାଫଳରେ କ୍ୟାବିନେଟ ପୁନଃ ନିର୍ମାଣ ପାଇଁ ରାସ୍ତା ପ୍ରସ୍ତୁତ ହୋଇଛି । ଅଶୋକ ଗେହଲୋଟଙ୍କ ନେତୃତ୍ୱାଧୀନ କ୍ୟାବିନେଟରେ ପୁନଃ ନିର୍ମାଣର ଏକ ଅଂଶ ଭାବରେ ୧୫ ଜଣ ବିଧାୟକ ମନ୍ତ୍ରୀ ଭାବରେ ଶପଥ ଗ୍ରହଣ କରିବେ। ଏଥିରେ ୧୧ ଟି କ୍ୟାବିନେଟ୍ ଏବଂ ଚାରିଜଣ ରାଜ୍ୟ ମନ୍ତ୍ରୀ ରହିବେ। ଗତ ବର୍ଷ ତତ୍କାଳୀନ ଉପମୁଖ୍ୟମନ୍ତ୍ରୀ ସଚିନ ପାଇଲଟ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କ ନେତୃତ୍ୱରେ ବିଦ୍ରୋହୀ ଆଭିମୁଖ୍ୟ ଗ୍ରହଣ କରିବା ପରେ ତାଙ୍କୁ ପଦରୁ ହଟାଇ ଦିଆଯାଇଥିଲା।