FOLLOW US ON SOCIAL

  1. Home
  2. »
  3. Breaking News
  4. »
  5. ମହଙ୍ଗା ପଡିବ ଫୋନ୍‌ପେ ରିଚାର୍ଜ

ମହଙ୍ଗା ପଡିବ ଫୋନ୍‌ପେ ରିଚାର୍ଜ

ମହଙ୍ଗା ପଡିବ ଫୋନ୍‌ପେ ରିଚାର୍ଜ
SHARE NOW :

ନୂଆଦିଲ୍ଲୀ(ଲାଇଭ ଓଡିଶା ନ୍ୟୁଜ): ଫୋନପେ ୟୁଜରର୍ସଙ୍କୁ ଲାଗିଲା ବଡ ଝଟକା । ଫୋନପେ ବ୍ୟବହାରକାରୀଙ୍କ ପାଇଁ ଆସିଲା ନୂଆ ନିୟମ । ଯଦି ଆପଣ ଫୋନପେ ୟୁଜର ତାହାଲେ ହୋଇଯାଆନ୍ତୁ ସତର୍କ । ଆପଣମାନଙ୍କ ପାଇଁ କମ୍ପାନୀ ନେଇଆସିଛି ଏକ ବଡ ଖବର । ଫୋନପେ ବ୍ୟବହାର କରିଲେ ଆପଣଙ୍କୁ ଦେବାକୁ ପଡିବ ଅଧିକ ଟଙ୍କା । ତେବେ ଆସନ୍ତୁ ନଜର ପକାଇବା ଫୋନପେ ଅନଲାଇନ ପେମେଣ୍ଟ ସଂସ୍ଥାର ନୂଆ ନିୟମ ବିଷୟରେ । ଏବେ ଆସନ୍ତୁ ଜାଣିବା ଫୋନପେ ଆପ୍ଲିକେଶନରେ କଣ କଲେ ଆପଣମାନଙ୍କୁ ଅଧିକ ଦେୟ ଦେବାକୁ ପଡିବ । ଦେଶରେ ଅନଲାଇନ ପେମେଣ୍ଟର ଚାହିଦା ବଢିଥିବା ବେଳେ ଫୋନପେ ଏବେ ଶୀର୍ଷରେ ଅଛି । ଭାରତରେ ଅନ୍ୟ ପେମେଂଟ ଆପ ଠାରୁ ଫୋନ୍‌ପେରେ ତୃତୀୟପକ୍ଷ କାରବାର ସବୁଠାରୁ ଅଧିକ ରହିଛି । କେବଳ ସେତିକି ନୁହେଁ ଗତ ମାସରେ ଫୋନପେ ମାଧ୍ୟମରେ ୧୬୫କୋଟିରୁ ଅଧିକ ଟଙ୍କାର କାରବାର ହୋଇଥିବାର ସୂଚନା ମିଳିଛି । ଫୋନପେ କଂପାନୀ ପକ୍ଷରୁ ଗ୍ରାହକ ମାନଙ୍କୁ କୁହାଯାଇଛି ଯେ, ୫୦ଟଙ୍କାରୁ କମ ରିଚାର୍ଜ ଉପରେ ଆପଣମାନଙ୍କୁ କୌଣସି ଦେୟ ଦେବାକୁ ପଡିବ ନାହିଁ । ହେଲେ ୫୦ ରୁ ଅଧିକ ଟଙ୍କାର ରିଚାର୍ଜ କଲେ ୧ଟଙ୍କା ଓ ୧୦୦ଟଙ୍କାରୁ ଅଧିକ ରିଚାର୍ଜ କଲେ ଆପଣମାନଙ୍କୁ ୨ଟଙ୍କା ଦେୟ ଦେବାକୁ ପଡିବ । ଯାହା ଫୋନପେ ଡିଜିଟାଲ ପେମେଣ୍ଟ ଆପରେ ନୂଆ ନିୟମ ଭାବେ କାର୍ଯ୍ୟ କରିବ । ଏଭଳି ସ୍ତରରେ ଅନ୍ୟ ରିଚାର୍ଜ ବା ଡିଜିଟାଲ କାରବାର ପାଇଁ ଅନ୍ୟ ଅନଲାଇନ ପେମେଣ୍ଟ ସଂସ୍ଥା କିଛି ଦେୟ ନେଉନଥିବା ବେଳେ ଗ୍ରାହକ ମାନଙ୍କୁ ଫ୍ରି ସେବା ପ୍ରଦାନ କରୁଛନ୍ତି । ଏହାସହିତ ଆପଣ ଯଦି କ୍ରେଡିଟ କାର୍ଡ ମାଧ୍ୟମରେ ରିଚାର୍ଜ କରୁଛନ୍ତି ତେବେ କଂପାନୀ ସେବା କର ମଧ୍ୟ ନେଉଛି । ହେଲେ ଅନ୍ୟ କାରବାରରେ ଫୋନପେ ସେବା କର ନେଉ ନାହିଁ । ଏବଂ ଆଗକୁ ନେବ କି ନାହିଁ ତାହା ମଧ୍ୟ ସ୍ପଷ୍ଟ ହୋଇନାହିଁ । ଏକ ସର୍ଭେ ଅନୁସାରେ ଡିଜିଟାଲ ପେମେଂଟ ଆପରେ ପ୍ରାୟ ୩୦୦ମିଲିୟନ ୟୁଜର ରେଜିଷ୍ଟର ଅଛନ୍ତି ଓ ଫୋନପେର ବ୍ୟବହାର ଦେଶର ମୋଟ ଅନଲାଇନ କାରବାରର ୪୦ ପ୍ରତିଶତ ବୋଲି କୁହାଯାଇଛି । ଏମିତିକି ଲୋକମାନେ ନିଜର ସମସ୍ତ ନେଣଦେଣ ଅନଲାଇନ ମାଧ୍ୟମରେ କାରବାର କରୁଛନ୍ତି । ଛୋଟମୋଟ କାରବାରଠାରୁ ଆରମ୍ଭ କରି ବଡବଡ କାରବାର ପର୍ଯ୍ୟନ୍ତ ଟଙ୍କାର ବ୍ୟବହାର ନକରି ଅନଲାଇନ ପେମେଂଟ କରୁଛନ୍ତି । ଯୁଗ ବଦଳୁଛି ଦେଶ ବଦଳୁଛି ପ୍ରତିଦିନ ସରକାର ଡିଜିଟାଲ ହେବା ପାଇଁ ଲୋକମାନଙ୍କୁ ପ୍ରେରିତ କରୁଛନ୍ତି କିନ୍ତୁ ଏଭଳି ସ୍ଥିତିରେ ଫୋନପେର ଏଭଳି ନିୟମ ଅନଲାଇନ ପେମେଂଟ ବ୍ୟବସ୍ଥାକୁ ମନ୍ଥର କରିଦେବ ତାହା କହିହେଉନି । ତେବେ ଦେଖିବାକୁ ବାକି ରହିଲା ଫୋନପେ ୟୁଜରର୍ସ ଏହି ନୂଆ ନିୟମକୁ କିଭଳି ଭାବରେ ଗ୍ରହଣ କରୁଛନ୍ତି ।

Leave a Reply

Your email address will not be published. Required fields are marked *

Related Posts