FOLLOW US ON SOCIAL

  1. Home
  2. »
  3. ରାଜ୍ୟ
  4. »
  5. କେନ୍ଦ୍ର ସରକାରଙ୍କ ବିରୋଧରେ ଅଙ୍ଗନବାଡି କର୍ମୀ ଓ ସହାୟିକାଙ୍କ ହାଲ୍ଲାବୋଲ

କେନ୍ଦ୍ର ସରକାରଙ୍କ ବିରୋଧରେ ଅଙ୍ଗନବାଡି କର୍ମୀ ଓ ସହାୟିକାଙ୍କ ହାଲ୍ଲାବୋଲ

SHARE NOW :

ଲାଇଭଓଡ଼ିଶା ନ୍ୟୁଜ: ଅଙ୍ଗନବାଡ଼ି କର୍ମୀ ଓ ସହାୟିକାମାନେ ଦୀର୍ଘବର୍ଷ ଧରି ମାଆ ଓ ଶିଶୁମାନଙ୍କର ସେବା କରୁଛନ୍ତି । ପୂର୍ବରୁ ଏଥିପାଇଁ ୯୦:୧୦ ଅନୁପାତରେ କେନ୍ଦ୍ର ସରକାର ଅର୍ଥ ପ୍ରଦାନ କରୁଥିଲେ । ମାତ୍ର କେନ୍ଦ୍ରରେ ବିଜେପି ସରକାର ଆସିଲା ପରଠୁ ଅନୁଦାନ କମି ୬୦:୪୦ରେ ପହଞ୍ଚିଛି । କ୍ରମାଗତ ଭାବେ ମହିଳା ଓ ଶିଶୁ ବିକାଶ ଯୋଜନାରେ ବ୍ୟୟବରାଦ ମଧ୍ୟ କମିବାରେ ଲାଗିଛି ।
ଅନ୍ୟପଟେ ଓଡ଼ିଶା ସରକାର ଅଙ୍ଗନାବାଡି କର୍ମୀ ଓ ସହାୟିକାମାନଙ୍କର ପାରିଶ୍ରମିକକୁ ୩ହଜାର ଟଙ୍କା ବୃଦ୍ଧି କରିଛନ୍ତି । ଏହି ବାବଦରେ ବର୍ଷକୁ ୪ହଜାର ୫୦୦ କୋଟି ଟଙ୍କା ରାଜ୍ୟ ସରକାର ବହନ କରୁଛନ୍ତି । ଓଡ଼ିଶା ସରକାର ସେମାନଙ୍କୁ ସମସ୍ତ ସୁବିଧା ସୁଯୋଗ ଯୋଗାଉଥିବାବେଳେ କେନ୍ଦ୍ର ସରକାର ସେମାନଙ୍କୁ କର୍ମଚାରୀର ମାନ୍ୟତା ନଦେଇ ସ୍ବେଚ୍ଛାସେବୀ ହିସାବରେ ରଖିଛନ୍ତି । କରୋନା ସମୟରେ ମଧ୍ୟ କେନ୍ଦ୍ର ସରକାର ସେମାନଙ୍କୁ କୌଣସି ସହାୟତା ଦେଇନଥିବାବେଳେ ଓଡ଼ିଶା ସରକାର କରୋନା ଯୋଦ୍ଧା ଘୋଷଣା କରି ସହାୟତା ପ୍ରଦାନ କରିଛନ୍ତି । ସପ୍ତମ ବେତନ କମିଶନଙ୍କ ସୁପାରିଶ ଆଧାରରେ ସେମାନଙ୍କ ଦରମା ୧୮ହଜାର ଟଙ୍କାକୁ ବୃଦ୍ଧି କରିବାକୁ କେନ୍ଦ୍ର ନିକଟରେ ଅଙ୍ଗବାଡି କର୍ମୀ ଦାବି କରିଛନ୍ତି । ଏହାସହ ପେନସନ ସହିତ ଅନ୍ୟାନ୍ୟ ସରକାରୀ ସୁବିଧା ଯୋଗାଇ ଦେବାକୁ ଦାବି ହୋଇଛି ।

Leave a Reply

Your email address will not be published. Required fields are marked *

Related Posts