ଆନ୍ତର୍ଜାତିକ ଆର୍ଟ ଅଫ୍ ଗିଭିଂ ଦିବସ ପାଳିତ

ଭୁବନେଶ୍ୱର : ଆନ୍ତର୍ଜାତିକ ଆର୍ଟ ଅଫ୍ ଗିଭିଂ ଦିବସର 10ମ ବାର୍ଷିକ ଉତ୍ସବ ବିଭିନ୍ନ କାର୍ୟ୍ୟକ୍ରମ ମାଧ୍ୟମରେ ବୁଧବାର ସାରା ବିଶ୍ୱରେ ପାଳିତ ହୋଇୟାଇଛି। ବିଶ୍ୱବ୍ୟାପୀ ସହୟୋଗ, ସୁଖ, ଶାନ୍ତି ଓ ସଦ୍ଭାବନାର ବାର୍ତ୍ତା ପହଞ୍ଚାଇବା ପାଇଁ ବିଶିଷ୍ଟ ସମାଜସେବୀ ତଥା ଶିକ୍ଷାବିତ୍ ଡକ୍ଟର ଅଚ୍ୟୁତ ସାମନ୍ତଙ୍କ ଦ୍ୱାରା 2013 ମେ 17 ତାରିଖରେ ଏହି ଅଭିନବ ଏଓଜି ପରିକଳ୍ପନାର ଶୁଭାରମ୍ଭ କରାୟାଇଥିଲା। ଚଳିତ ବର୍ଷର ଥିମ୍ ରହିଛି ‘ହେଲ୍ପିଂ ଦ ହେଲ୍ପ’। AOGର ଅନୁଗାମୀ, ଶୁଭେଚ୍ଛୁ ଏବଂ ପ୍ରଶଂସକମାନେ 6ଟି ମହାଦେଶର 20ଟି ଦେଶର 350ଟି ସ୍ଥାନରେ ଏହି ଦିବସ ପାଳନ କରିଛନ୍ତି। ଏତଦ୍ବ୍ୟତୀତ ଭାରତର 29ଟି ରାଜ୍ୟ, 4ଟି UTIs ଓ 200ଟି ସହରରେ 3500ଟି ସ୍ଥାନରେ ଏଓଜିର ଅନୁଗାମୀ ଓ ଶୁଭେଚ୍ଛୁମାନେ ଏହି ଦିବସ ପାଳନ କରିଥିଲେ। ଓଡ଼ିଶାର 30ଟି ଜିଲ୍ଲା, 10ଟି ପ୍ରମୁଖ ସହର ଓ ସହର, 300ରୁ ଅଧିକ ବ୍ଲକ ଓ 5 ହଜାରରୁ ଅଧିକ ଗ୍ରାମପଞ୍ଚାୟତର 10 ହଜାର ସ୍ଥାନରେ ଏଓଜି ଦିବସ ପାଳିତ ହୋଇୟାଇଛି। ଏଠାରେ ଏକ ସ୍ୱତନ୍ତ୍ର କାର୍ୟ୍ୟକ୍ରମ ଆୟୋଜନ କରାୟାଇ ସମାଜରେ ନିଜର ଉଦାର କାର୍ୟ୍ୟ ମାଧ୍ୟମରେ ପରିଚୟ ସୃଷ୍ଟି କରିଥିବା ବିଭିନ୍ନ କ୍ଷେତ୍ରର ସେବା ପ୍ରଦାନକାରୀଙ୍କୁ AoG ହିରୋ ପୁରସ୍କାର ପ୍ରଦାନ କରାୟାଇ ସମ୍ବର୍ଦ୍ଧିତ କରାୟାଇଥିଲା। ସେମାନେ ହେଲେ ସମ୍ବଲପୁର ଜିଲ୍ଲାର ଡାକ୍ତର ଶଙ୍କର ରାମଚନ୍ଦାନୀ ଯିଏ ଭିଜିଟିଂ ଫି’ ବାବଦକୁ ମାତ୍ର 1 ଟଙ୍କା ନେଉଛନ୍ତି; ଅଭରାଣୀ ଚୌଧୁରୀ, ଓଡିଶା ପତିତା ଉଦ୍ଧର ସମିତିର ସମ୍ପାଦକ ଡ; ରଞ୍ଜିତା ରଥ, ଯାଜପୁର ଜିଲ୍ଲାର ବହୁମୁଖୀ ସ୍ୱାସ୍ଥ୍ୟ ସୁପରଭାଇଜର; ସିଲାବତୀ ପ୍ରଧାନ, କନ୍ଧମାଳ ଜିଲ୍ଲାର ଆଶା କର୍ମୀ; ଅମରନାଥ ମହନ୍ତ, କେନ୍ଦୁଝର ଜିଲ୍ଲାରୁ ଆମ୍ବୁଲାନ୍ସ ଡ୍ରାଇଭର ଓ ଫିରୋଜ ମହମ୍ମଦ, କମିସନରେଟ୍ ପୁଲିସର ଟ୍ରାଫିକ୍ ବିଭାଗ। ଏହି ଅବସରରେ ଓଡ଼ିଶାର ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ଆର. ବାଲକ୍ରିଷ୍ଣନ୍ କହିଥିଲେ ଯେ ଆର୍ଟ ଅଫ୍ ଗିଭିଂ କିଛି ବି ନୁହେଁ। ସେ କହିଥିଲେ ଯେ ଏଓଜି ନିରପେକ୍ଷତା ସହିତ ଜଡିତ ଏକ ବିଷୟ ଏବଂ ଏହା ବ୍ୟକ୍ତି, ସମାଜ ଏବଂ ଦେଶ ପାଇଁ ଗୁରୁତ୍ୱପୂର୍ଣ୍ଣ। ଉଚ୍ଚଶିକ୍ଷା ସଚିବ ବିଷ୍ଣୁପଦ ସେଠୀ କହିଲେ, ଏଓଜି ଏକ ଦୃଢ଼ ଆନ୍ଦୋଳନରେ ପରିଣତ ହୋଇଛି। ଏହି ଚିନ୍ତାଧାରାର ଉତ୍ପତ୍ତି ଏହି ରାଜ୍ୟରୁ ହୋଇଥିବାରୁ ଓଡ଼ିଶାବାସୀ ଗର୍ବ କରିବା ଉଚିତ ବୋଲି ଡକ୍ଟର ସାମନ୍ତ ମତବ୍ୟକ୍ତ କରିଥିଲେ। ସେ କହିଥିଲେ ଯେ ଏଓଜି ଇଭେଣ୍ଟ ସାରା ବିଶ୍ୱରେ ଆୟୋଜନ କରାୟାଇଛି।