ନୂଆପଡାରେ ବ୍ଲକ ସ୍ତରୀୟ ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଆୟୋଜିତ

ନୂଆପଡା(ଲାଇଭ ଓଡିଶା ନ୍ୟୁଜ): ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ କାର‌୍ୟ୍ୟାଳୟ ପରିସର ମଧ୍ୟରେ ବ୍ଲକ ସ୍ତରୀୟ ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଆୟୋଜିତ ହୋଇଯାଇଛି । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଏବଂ ସମଗ୍ର ଶିକ୍ଷା ନୂଆପଡ଼ା ପକ୍ଷରୁ ଉକ୍ତ ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଆୟୋଜିତ ହୋଇଥିଲା ।ଏହି କାର‌୍ୟ୍ୟକ୍ରମରେ ବୋଡ଼େନ ବିଡ଼ିଓ ପୂର୍ଣ୍ଣ ଚନ୍ଦ୍ର ଭୋଇ ଙ୍କ ନେତୃତ୍ୱରେ ବୋଡ଼େନ ବ୍ଲକ ର ସମସ୍ତ ପଞ୍ଚାୟତ ନିର୍ବାହୀ ଅଧିକାରୀ , ବ୍ଲକ କାର‌୍ୟ୍ୟାଳୟ ଅଧିକାରୀ , ଅଙ୍ଗନୱାଡ଼ି କର୍ମୀ ସାମିଲ ହୋଇଥିଲେ । ଭିନ୍ନ କ୍ଷମ ଶିବିରରେ ବ୍ଲକର ୧୫ଗୋଟି ପଞ୍ଚାୟତ ରୁ ଶହ ଶହ ସଂଖ୍ୟାରେ ଶାରୀରିକ ଭିନ୍ନକ୍ଷମ ବ୍ୟକ୍ତି ଉପସ୍ଥିତ ରହି ଭିନ୍ନକ୍ଷମ ପ୍ରମାଣ ପତ୍ର ସକାଶେ ବିଭିନ୍ନ ବିଭାଗୀୟ ଡକ୍ଟର ଙ୍କ ପାଖରେ ଚିକିତ୍ସିତ ହୋଇଥିଲେ । ଆୟୋଜିତ ଏହି ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ରେ ବିଭିନ୍ନ ବିଭାଗରୁ ମୋଟ ୩୫୧ ଜଣ ଶାରୀରିକ ଭିନ୍ନକ୍ଷମ ବ୍ୟକ୍ତି ପଞ୍ଜିକୃତ ହୋଇ ବିଭାଗୀୟ ଡାକ୍ତରଙ୍କ ପାଖରେ ତାଙ୍କର ସ୍ବାସ୍ଥ୍ୟ ପରୀକ୍ଷା କରାଇ ଭିନ୍ନକ୍ଷମ ପ୍ରମାଣ ପତ୍ର ଆବେଦନ କରିଥିଲେ।