୨୪ ଘଣ୍ଟା ପରେ ବି ପୋଲିସ ହାତ ଖାଲି, ପୁଣି ରାଜ ରାସ୍ତା ରେ ବିଜେପି କର୍ମୀ

କେଉଁଝର(ଲାଇଭ ଓଡିଶା ନ୍ୟୁଜ): ଗତରବିବାର ମୋହନ ମାଝୀଙ୍କ ଉପରେ ହୋଇଥିବା ବୋମା ମାଡ଼ ସାରା ରାଜ୍ୟରେ ଚର୍ଚ୍ଚାର ବିଷୟ ହୋଇଥିବା ବେଳେ ଅଭିଯୁକ୍ତ ମାନଙ୍କୁ ତୁରନ୍ତ ଗିରଫ ଦାବିରେ ବିଜେପିର ନେତା ଓ କର୍ମୀ ମାନେ କେନ୍ଦୁଝର ଗାନ୍ଧୀ ଛକ ୪୯ ନମ୍ବର ଜାତୀୟ ରାଜପଥକୁ ଦୀର୍ଘ ସାତ ଘଣ୍ଟା ଧରି ଅବରୋଧ କରି ରଖିଥିଲେ । ଯାହା ଦ୍ୱାରା କେନ୍ଦୁଝର ମଧ୍ୟ ଦେଇ ଗାଡ଼ି ଚଳାଚଳ ସମ୍ପୂର୍ଣ୍ଣ ଠପ୍ ହୋଇ ପଡ଼ିଥିଲା । ପରିସ୍ଥିତି ଆୟତ ବାହାରକୁ ଯାଉଥିବା ଦେଖି ଖୋଦ୍ କେନ୍ଦୁଝର ଏସପି ଆନ୍ଦୋଳନ ସ୍ଥଳକୁ ଆସି ଉତ୍ୟକ୍ତ ବିଜେପି କର୍ମୀ ଙ୍କୁ ବୁଝା ସୁଝା କରିଥିଲେ । ଏହା ସହ ୨୪ ଘଣ୍ଟା ମଧ୍ୟରେ ଅଭିଯୁକ୍ତ ମାନଙ୍କୁ ଗିରଫ କରିବାର ପ୍ରତିଶ୍ରୁତି ଦେବା ପରେ ଆନ୍ଦୋଳନ ହଟିଥିଲା । ଏସପି ଙ୍କ ପ୍ରତିଶ୍ରୁତୀ ର ୩୬ ଘଣ୍ଟା ବିତି ଯାଇଥିଲେ ବି ପୋଲିସ ହାତ ଖାଲି ରହିଛି । ଅଭିଯୁକ୍ତଙ୍କ ଟେର ପାଇବା ତ ଦୂରର କଥା ଅଭିଯୁକ୍ତ ବ୍ୟବହାର ବାଇକୁ ମଧ୍ୟ ଠାବ କରିବାରେ ବିଫଳ ହୋଇଛି । ଯାହାର ପ୍ରତିବାଦ ରେ ପୁଣି ବିଜେପିର ଶହ ଶହ କର୍ମୀ ଆଜି ସକାଳୁ କେନ୍ଦୁଝର ଗାନ୍ଧିଛକ ନିକଟରେ ରାଜ ରାସ୍ତା ଅବରୋଧ କରିଥିବା ଦେଖିବାକୁ ମିଳିଛି । ରାଜା ଚକ୍ର ଶାସକ ଦଳର ଜଣେ ବରିଷ୍ଠ ନେତା ହୋଇଥିବାରୁ ତାଙ୍କ ଉପରେ ପୋଲିସ ହାତ ମାରିବାକୁ ଭୟ କରୁଥିବା ଅଭିଯୋଗ ହୋଇଥିବା ବେଳେ ତୁରନ୍ତ ମୁଖ୍ୟ ଅଭିଯୁକ୍ତ ମାନଙ୍କୁ ଗିରଫ କରିବାକୁ ଦାବୀ କରି ଅଡି ବସିଛି ବିଜେପି । ତୁରନ୍ତ ଅଭିଯୁକ୍ତ ମାନଙ୍କୁ ଗିରଫ କରା ନଗଲେ ଆନ୍ଦୋଳନକୁ ଜୋରଦାର କରିବେ ବୋଲି ବିଜେପି ଚେତାବନୀ ଦେଇଛନ୍ତି ।