FOLLOW US ON SOCIAL

  1. Home
  2. »
  3. ରାଜ୍ୟ
  4. »
  5. ଯୋଡ଼ା ଇଷ୍ଟ ଆଇରନ୍ ମାଇନ୍ ଖଣିର କ୍ଷମତା ବୃଦ୍ଧି, ଜନ ଶୁଣାଣିରେ ମିଳିଲା ସମର୍ଥନ

ଯୋଡ଼ା ଇଷ୍ଟ ଆଇରନ୍ ମାଇନ୍ ଖଣିର କ୍ଷମତା ବୃଦ୍ଧି, ଜନ ଶୁଣାଣିରେ ମିଳିଲା ସମର୍ଥନ

ଯୋଡ଼ା ଇଷ୍ଟ ଆଇରନ୍ ମାଇନ୍ ଖଣିର କ୍ଷମତା ବୃଦ୍ଧି, ଜନ ଶୁଣାଣିରେ ମିଳିଲା ସମର୍ଥନ
SHARE NOW :

କେନ୍ଦୁଝର,୨୯.୯ (ଲାଇଭ୍ ଓଡିଶା ନ୍ୟୁଜ୍‌/ ଦିଗାମ୍ବର ବେହେରା): କେନ୍ଦୁଝର ଜିଲ୍ଲା ଯୋଡ଼ା ଠାରେ ଥିବା ଟାଟା ଷ୍ଟିଲ୍ ଲିଃ. ର ଯୋଡ଼ା ଇଷ୍ଟ ଆଇରନ୍ ମାଇନ୍ ଖଣିରୁ ଖଣିଜ ଉତ୍ପାଦନ ଓ ବେନିଫିସେସନ ପ୍ଲାଂଟର କ୍ଷମତା ବୃଦ୍ଧି କରିବା ପାଇଁ ଜନଶୁଣାଣି ଅନୁଷ୍ଠିତ ହୋଇଥିଲା । ଖଣିଜ ଉତ୍ପାଦନର ସଂପ୍ରସାରଣ ଦ୍ୱାରା ନିଯୁକ୍ତି ସୃଷ୍ଟି ହେବାର ସମ୍ଭାବନା ଥିବାର ଅଂଚଳବାସୀ ଏହି ଜନ ଶୁଣାଣୀରେ କମ୍ପାନୀକୁ ସମର୍ଥନ ଜଣାଇଛନ୍ତି । ଏଥିସହ ନିଯୁକ୍ତି, ଶିକ୍ଷା, ସ୍ୱାସ୍ଥ୍ୟ, ଗମନାଗମନ ଭଳି ଅନେକ ଦାବି ରଖିଛନ୍ତି ଅଞ୍ଚଳବାସୀ । ଲୋକଙ୍କ ଏହି ଦାବିକୁ ଯଥା ସମ୍ଭବ ପୂରଣ କରିବା ପାଇଁ କମ୍ପାନୀ ପକ୍ଷରୁ ପ୍ରତିଶୃତି ମଧ୍ୟ ଦିଆଯାଇଛି ।

ତେବେ ଖଣିରୁ ବାର୍ଷିକ ଖଣିଜ ଉତ୍ପାଦନ ୧୨ ନିୟୁତ ଟନରୁ ୧୯.୫ ନିୟୁତ ଟନକୁ ସଂପ୍ରସାରଣ ସହ ସର୍ବମୋଟ ୨୨.୯୪ ନିୟୁତ ଟନ୍ କରାଯିବ ଏବଂ ବେନିଫିସେସନ ପ୍ଲାଂଟର କ୍ଷମତା ୧୨ ନିୟୁତ ଟନରୁ ୧୭.୬ ନିୟୁତ ଟନକୁ ବୃଦ୍ଧି କରାଯିବ ।
କେନ୍ଦୁଝର ଜିଲ୍ଲା ଅତିରିକ୍ତ ଜିଲ୍ଲାପାଳ ସୁଷମା ବିଲୁଙ୍ଗଙ୍କ ଅଧକ୍ଷତାରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ଼ର ଆଂଚଳିକ ଅଧିକାରୀ ପୁଷ୍କର ଚନ୍ଦ୍ର ବେହେରା ଏହି ଜନଶୁଣାଣି କୁ ପରିଚାଳନା କରିଥିଲେ ।

Leave a Reply

Your email address will not be published. Required fields are marked *

Related Posts