FOLLOW US ON SOCIAL

  1. Home
  2. »
  3. ରାଜ୍ୟ
  4. »
  5. ଗିରଫ ହେଲେ ପ୍ରତାପ ସାମଲ

ଗିରଫ ହେଲେ ପ୍ରତାପ ସାମଲ

ଗିରଫ ହେଲେ ପ୍ରତାପ ସାମଲ
SHARE NOW :


ଭୁବନେଶ୍ୱର ( ଲାଇଭ୍ ଓଡିଶା ନ୍ୟୁଜ୍‌ ) : ଦୁର୍ନୀତିରେ ହନ୍ତସନ୍ତ ଓଡିଶା । ଓଡିଶା ଭିଜିଲାନ୍ସ ଇତିହାସର ସବୁଠୁ ବଡ ମାମଲା । ଭିଜିଲାନ୍ସ ଯେଉଁଠି ହାତ ମାରୁଛି ସେଠି ବାହାରୁଛି ପୁଳାପୁଳା ସୁନା, ବିଡା ବିଡା ଟଙ୍କା, ଆଉ ଉଚ୍ଚା ଉଚ୍ଚା କୋଠା । ଓଡ଼ିଶା ଭିଜିଲାନ୍ସ ଇତିହାସର ସବୁଠୁ ବଡ଼ ମାମଲା । ଗିରଫ ହେଲେ ଓପିଏଚ୍ଡବ୍ଲୁସି ଉପପ୍ରବନ୍ଧକ ପ୍ରତାପ ସାମଲ । ପ୍ରତାପ ସାମଲଙ୍କ ପତ୍ନୀ ସସ୍ମିତା ସାମଲ ମଧ୍ୟ ଗିରଫ ହୋଇଛନ୍ତି । ୧୪ କୋଟି ୮୭ ଲକ୍ଷ ୪୧ ହଜାର ୧୯୪ ଟଙ୍କାର ଆୟ ବର୍ହିଭୂତ ସଂପତ୍ତି ଆୟର ୧୦୨୧% ଅଧିକ ସଂପତ୍ତି ଠାବ କରିଛି ଭିଜିଲାନ୍ସ ଟିମ୍ ।
ସଂପତ୍ତି ଠୁଳ କରିଥିଲେ କିନ୍ତୁ ହିସାବ ଦେଇ ପାରୁ ନିଥିଲେ । ଯାହା ତଦନ୍ତକାରୀ ଟିମକୁ ସନ୍ତୋଷ କରି ପାରିନଥିଲା । ତେବେ ପ୍ରତାପଙ୍କ ବେହିସାବ ସମ୍ପତ୍ତି ପତି ଓ ପତ୍ନିଙ୍କୁ ଗିରଫ କରିବାରେ ସହାୟକ ହୋଇଛି । ପାଖାପାଖି ୨୨ଘଣ୍ଟାର ରେଡ୍ ପରେ ଭିଜିଲାନ୍ସ ହିସାବ ଶେଷ କରିଛି । କୋଟି କୋଟି ଟଙ୍କାର ସଂପତ୍ତି ଆକଳନ କରୁଛି ଭିଜିଲାନ୍ସ । ଯାଞ୍ଚ ବେଳେ ସାମ୍ନାକୁ ଆସିଛି ପୋଲିସ ହାଉସିଂ କର୍ପୋରେସନର ଉପପ୍ରବନ୍ଧକ ପ୍ରତାପ ସାମଲଙ୍କ ଆୟ ବହିର୍ଭୂତ ସମ୍ପତ୍ତିର ତାଲିକା ।
୩କୋଟି ୪୧ଲକ୍ଷ ୫୮ହଜାର ୪୧୨ର ୨୫ଟି ପ୍ଲଟ୍ ରହିଛି ପ୍ରତାପଙ୍କ ନାଁରେ । ଗୋଠପାଟଣାରେ ଥିବା ୫ମହଲା ବିଶିଷ୍ଟ ବହୁତଳ ପ୍ରାସାଦର ମୂଲ୍ୟ ହେବ ୩କୋଟି ୮୯ଲକ୍ଷ ୬୦ ହଜାର । ଅନ୍ୟ ପ୍ଲଟ୍ ଓ ବିଲଡିଂର ମୂଲ୍ୟ ଏଯାଏ ନିରୂପଣ ହୋଇନି । ଓଡ଼ିଶା ଭିଜିଲାନ୍ସର ଟେକନିକାଲ ୱିଙ୍ଗ ମୂଲ୍ୟାୟନ ଜାରି ରଖିଛନ୍ତି । ପ୍ରତାପ ଓ ତାଙ୍କ ପରିବାର ନାଁରେ ଥିବା ୧୧ଟି ବ୍ୟାଙ୍କ ଆକାଉଣ୍ଟରେ ରହିଛି କୋଟିଏ ୬୧ ଲକ୍ଷ ୩୫ ହଜାର ୮୧୨ । ବ୍ୟାଙ୍କ ଆକାଉଣ୍ଟ ସିଜ୍ କରିଛି ଭିଜିଲାନ୍ସ ଟିମ୍ । ୫୭ଲକ୍ଷ ୭୨ହଜାର ୧୫୦ଟଙ୍କାର ବୀମା ରହିଛି ପ୍ରତାପଙ୍କ ନାଁରେ ।
୩୩ ବର୍ଷର ଚାକିରି କାର‌୍ୟ୍ୟକାଳ ଭିତରେ ସେ ଏତେ ଆୟ ବହିର୍ଭୁତ ସମ୍ପତ୍ତିର କିଭଳି ମାଲିକ ହେଲେ ସେନେଇ ତଦନ୍ତ ଚଳାଇଛି ଭିଜିଲାନ୍ସ। ଗତକାଲି ୧୦ଟି ସ୍ଥାନରେ ଭିଜିଲାନ୍ସ ରେଡ୍ କରିଥିଲା । ଆଇଆରସି ଭିଲେଜ ସ୍ଥିତ ଘରେ ଚଢ଼ାଉ ବେଳେ ଟିଭି ପେଟି ଭିତରେ ୩୬ ଲକ୍ଷ ନଗଦ ଟଙ୍କା ପଡୋଶୀ ଘରକୁ ଫୋପାଡିବା ବେଳେ ମାଡି ବସିଥିଲା ଭିଜିଲାନ୍ସ। ଭଦ୍ରକ ବାସୁଦେବପୁରରେ ୫ଟି ପ୍ଲଟ ଓ ଗୋଟିଏ ଘର ଠାବ କରିଥିଲା ଭିଜିଲାନ୍ସ । ସେହିପରି ଅଧ କେଜିଏ ସୁନା ମଧ୍ୟ ଜବତ କରାଯାଇଥିଲା ।

Leave a Reply

Your email address will not be published. Required fields are marked *

Related Posts