ପୁଣି ଟାଟା ପାଖକୁ ଫେରିଲା ଏୟାର ଇଣ୍ତିଆ ବିମାନ

ନୂଆଦିଲ୍ଲୀ(ଲାଇଭ ଓଡିଶା ନ୍ୟୁଜ): ଟାଟା ମାଲିକାନାକୁ ଗଲା ଏୟାର୍ ଇଣ୍ତିଆ । ଦୀର୍ଘ ୬୮ ବର୍ଷ ପରେ ଏୟାର ଇଣ୍ଡିଆର ଘରୋଇକରଣକୁ ନେଇ ବଡ ଖବର ଆସିଛି । ଋଣଗ୍ରସ୍ତ ଏୟାର ଇଣ୍ଡିଆ ବିକ୍ରୟ କରିବାକୁ ସରକାରଙ୍କ ଉଦ୍ୟମ ଶେଷରେ ସଫଳ ହେଲା। ଏୟାରଇଣ୍ଡିଆ ବିଡ୍କୁ ହାତେଇଲା ଞଇଞଇ । ଏକ ସାମ୍ବାଦିକ ସମ୍ମିଳନୀ କରି ନିବେଶ ଏବଂ ପବ୍ଲିକ୍ ଆସେଟ୍ ମ୍ୟାନେଜମେଣ୍ଟ ବିଭାଗ (ଊଓଚଇଗ) ଏହି ସୂଚନା ଦେଇଛି ।ଏୟାର ଇଣ୍ଡିଆର ନିର୍ଦ୍ଦିଷ୍ଟ ବିକଳ୍ପ ମେକାନିଜିମ୍ (ଇଓଝଇଗ) ପ୍ୟାନେଲ୍ ଏୟାର ଇଣ୍ଡିଆର ଆର୍ଥିକ ବିଡ୍ ଉପରେ ନିଷ୍ପତ୍ତି ନେଇଛି। ଏହି ପ୍ୟାନେଲରେ ଗୃହମନ୍ତ୍ରୀ ଅମିତ ଶାହା, ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ସମେତ ବହୁ ଗୁରୁତ୍ୱପୂର୍ଣ୍ଣ ମନ୍ତ୍ରୀ ଏବଂ ଅଧିକାରୀ ଅନ୍ତର୍ଭୁକ୍ତ। ଡିପିଏମ୍ ସଚିବ ତୁହିନ୍ କାଣ୍ଟ ପାଣ୍ଡେ କହିଛନ୍ତି ଯେ ବିଡିଂ ପାଇଁ ଅନେକ ଥର ଆବେଦନ କରାଯାଇଥିଲା, କିନ୍ତୁ ଶେଷରେ ସେପ୍ଟେମ୍ବରରେ ଦୁଇ ଜଣ ବିଡରଙ୍କ ନାମ ଚୂଡାନ୍ତ ହୋଇଥିଲା। ଏୟାର ଇଣ୍ଡିଆର ସମସ୍ତ କର୍ମଚାରୀଙ୍କ ଯତ୍ନ ନିଆଯିବ। ଏହା ସେମାନଙ୍କୁ ପ୍ରଭାବିତ କରିବ ନାହିଁ ।ଟାଟା ଗ୍ରୁପ୍ର ଅଜୟ ସିଂ ଏବଂ ସ୍ପାଇସଜେଟ୍ କମ୍ପାନୀ ଏୟାର ଇଣ୍ଡିଆ ପାଇଁ ଟେଣ୍ଡର ପକାଇଥିଲେ। ନିକଟରେ ମିଳିଥିବା ସୂଚନା ଅନୁଯାୟୀ ଏୟାର ଇଣ୍ଡିଆ ପାଇଁ ଟାଟା ଗ୍ରୁପ୍କୁ ଚୟନ କରାଯାଇଛି । ଡିସେମ୍ବର ସୁଦ୍ଧା ଟାଟା ଏୟାର ଇଣ୍ଡିଆର ସମସ୍ତ ମାଲିକାନା ପାଇପାରିବ। ୧୯୩୨ ମସିହାରେ ଟାଟା ଏୟାରଲାଇନସ ସ୍ଥାପନ କରାଯାଇଥିଲା ୧୯୪୬ରେ ନାମ ବଦଳାଯାଇ ଏୟାର ଇଣ୍ଡିଆ ରଖାଯାଇଥିଲା।