ବେଆଇନ ବେଟିଂ ଆପ୍ ମାମଲାରେ ଇଡିର କାର୍ଯ୍ୟାନୁଷ୍ଠାନ ସ୍ୱରୂପ ବଡ଼ ବଡ଼ ଫିଲ୍ମ ଷ୍ଟାର ଏବଂ ପୂର୍ବତନ କ୍ରିକେଟରଙ୍କ କୋଟି କୋଟି ଟଙ୍କାର ସମ୍ପତ୍ତି ଜବତ କରାଯାଇଛି। ଯେଉଁମାନଙ୍କର ସମ୍ପତ୍ତି ଜବତ କରାଯାଇଛି, ସେମାନଙ୍କ ମଧ୍ୟରେ ଅଛନ୍ତି ଅଭିନେତ୍ରୀ ଉର୍ବଶୀ ରୱତେଲା, ଅଭିନେତା ସୋନୁ ସୁଦ, ମିମି ଚକ୍ରବର୍ତ୍ତୀ, ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂହ, ରବିନ ଉଥପ୍ପା, ଅଙ୍କୁଶ ହଜାରା ଏବଂ ନେହା ଶର୍ମା। ଏମାନଙ୍କ ନାମ ବେଆଇନ ବେଟିଂ ଆପ୍ ପ୍ରଚାରରେ ଜଡିତ ରହିଛି।
ଯୁବରାଜ ସିଂହଙ୍କର ୨.୫ କୋଟି ମୂଲ୍ୟର ସମ୍ପତ୍ତି ଜବତ କରାଯାଇଛି। ରବିନ ଉଥାପ୍ପାଙ୍କର ୮.୨୬ ଲକ୍ଷ, ଉର୍ବଶୀ ରୱତେଲାଙ୍କ ୮.୨୬ ଲକ୍ଷ, ମିମି ଚକ୍ରବର୍ତ୍ତୀଙ୍କ ୧ କୋଟି , ଅଙ୍କୁଶ ହଜାରାଙ୍କ ୪.୭୨ କୋଟି ଏବଂ ନେହା ଶର୍ମାଙ୍କ ୧.୨୬ କୋଟି ମୂଲ୍ୟର ସମ୍ପତ୍ତି ଜବତ କରାଯାଇଛି। ଆଜିର ଇଡି କାର୍ଯ୍ୟାନୁଷ୍ଠାନରେ ଜବତ ହୋଇଥିବା ସମ୍ପତ୍ତିର ମୋଟ ମୂଲ୍ୟ ୭.୯୩ କୋଟି ।
ସେହିପରି ଶିଖର ଧାୱନ ଏବଂ ସୁରେଶ ରାଇନାଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ପୂର୍ବରୁ, ଏହି ସମାନ ମାମଲାରେ, ଇଡି ଶିଖର ଧାୱନଙ୍କଠାରୁ ୪.୫୫ କୋଟି ଏବଂ ସୁରେଶ ରାଇନାଙ୍କଠାରୁ ୬.୬୪ କୋଟି ମୂଲ୍ୟର ସମ୍ପତ୍ତି ଜବତ କରିଥିଲା। ଏପର୍ଯ୍ୟନ୍ତ, ବେଟିଂ ଆପ୍ ମାମଲାରେ ଇଡି ୧୯.୦୭ କୋଟି ମୂଲ୍ୟର ସମ୍ପତ୍ତି ଜବତ କରିଛି। ଏହି ସମସ୍ତ ତାରକା ଏହି ବେଆଇନ ବେଟିଂ ଆପ୍ ପ୍ରଚାରରେ ସମ୍ପୃକ୍ତ ଥିବା ଅଭିଯୋଗ ହୋଇଛି।
